ผญา BY HS4VQN

[HS4 VQN]

ฝากไมตรีที่ฮับต้อน ขอออนซอนผญากล่าว
ฝากให้ชาวพี่น้องมาปกป้องและเชิดชู
ให้อุ้มชูดูแลไว้ เลือดอีสานไทยให้มั่นแก่น
ฟังเสียงลำเอาเสียงแคน ให้คู่แดนเมืองเลิศล้ำคนเยียบย่ำบ่ให้สูญ
เป็นของคูณของเค้าพ่อแม่เฮาได้สืบต่อ
ขอลูกหลานจารสืบไว้ให้มันบ่ได้ดอกบ่สูญพี่น้องเอย

[HS4 VQN]

ความผญานั่นเต็มโกนบักหอยเดื่อ ถิ่มใส่น้ำกะเหลือ ถิ่มใส่เรือกะล้น ถิ่มใส่ต้นดอกไม้ หอมกุ้มอยู่สู่ยาม..พี่น้องเอ๋ย

[kaentong]

ฮึย...กลับกรุงเทพแล้วบ๊อ

[HS4 VQN]

กลับแล้วคับหนีจากกลุงเทพแล้วคับ  ตอนนี้อยู่ เขื่อนภูมิพล คับ

[HS4 VQN]

ชื่อว่าแนวความเว้าของคนมันเกินง่าย
ได้เทิงหงายและคว่ำความเว้าบ่อยู่ความ
เขาฮักเขาก็ย่อง เขาซังเขาก็ว่า
คือดั่งบักเค้าเม้า หมาเฒ่าเห่าแต่เขา
คันเฮาทำดีแล้ว เขาซังก็ตามซ่าง
คันเฮาเฮ็ดแม่นแล้ว หยันหย่อก็ซ่างเขา
เขาสิพากันท้วง ทั้งเมืองก็บ่เงี่ยง
เขาสิติทั้งค่าย ขายหน้าก็บ่อาย

[HS4 VQN]

บัด ได่เล่น"แกแลคซี่"ขี่"แจ๊ส"เป็นพญา
พั่น ลืมแม่ พ่อ ซาวนา ผู่เลาะดำนาจ้าง
บัด ได่นั่งในห่างสั่งพิซซ่ามาท่าใหญ่
อัน ป่นปลาเคยกินได่ จั่งได๋เจ้ามาเหล่าลืม
เงินพ่อ แม่ ยืมแสนห่า ทุนศึกษาให่เจ้าใหญ่
หวังบาดหย่าง บ่ได่ ยังมีเจ้า ผู่ซ่อยซู
พ่อ แม่ กัดฟันสู่ หนักกะเอา เบาบ่เกี่ยง
เพียงเห้นลูกเป็นจ้าว พอได่เว่า เล่าผู่คน
บ่ทันโดน พั่นลืมจ้อย พ่อ แม่ คอยอย่างหว้าเหว่
แข่วกะเพ แอว กะ ซ่ง หลงลืมซ่ำกระหน่ำมา
คอยลูกหล่าสิมาบ้าน ว่าสงกรานต์มื่อคักแหน่
แต่กะแค่ลมปากเว่า ลูกหล่าเจ้าบ่ต่าวมา
เมือบ้านแหน่ลูกหล่าสอง ยายา ตา เพิ่นจอบส่อง
เงินกะบ่เอา คำ กะบ่ต้อง ขอเพียงเจ้านั่นต่าวมา
ขอแค่ได่เห็นหน่า ก่อนกายาสิหล้าหล่อย
ตากะฝ้าอ่อนแสง แฮงกะเหลือน่อยสิคอยเจ้าได่ส่ำ
ได๋น้อ...คำเอ้ย

[ตามรอยพุทธ]

สาธุ

[HS4 VQN]

 หล่านางเอย...
อ้ายมักน้อง มาตั้งแต่โดนๆ
มักตั้งแต่เมืองสกล ยังบ่ทันได้ตั้ง
ขอนแก่นยังเป็นบ้านแท่น ทางรถไฟบอทันแลน
มักตั้งแต่พู้น ปานนี้ยังคือเก่า...นางเอย

[HS4 VQN]

[HS4 VQN]

[HS4 VQN]

[kaentong]

ซางไปหามาเป็นน๊อ...นี่ละเพิ่นวา..คนไกลบ้าน อีหยังกะเป็นหมด

[HS4 VQN]

วัฒนธรรมอีสานเด้อเจ้า กลุ่มเรื่องเก่าคำผญา
ศรีศรัทธาแห่งอีสาน ถิ่นลำเรื่องลำต่อกลอน
อีกลำเดินใส่ลำซิ่ง ลำใส่แคนแต๋นแล่นต่อย
ขอให้ซ้อยรักษาไว้ อย่าไลฮ้างออกนอกเรื่อง เด้อ ท่านเอ้ย....

[HS4 VQN]

[kaentong]

คักน๊อ...ผู้บ่าวบ้านสาวถี