คำปลงข้าว ( ก่อนนวดข้าว หรือ ตีข้าว )

[kaentong]

คำปลงข้าว
( ก่อนนวดข้าว หรือ ตีข้าว )

คำปลงข้าว ( ก่อนนวดข้าว หรือ ตีข้าว )

ดูราแม่โภสพเอย นับแต่ไก่ผู้โจ้นเอิ้นแม่คืนมา นับแต่ปลาชีหินมอบมังสังชั้น ปลาก็ยอมตายด้วยยินดีนำแม่ บัดนี้ลูกแม่เหลืองแก่แล้ว เขาเกี้ยวเกี่ยวฮวง เขาจิ่งปุนกันเต้า เสียลานไว้ท่าแม่ แล้วจิ่งหาบแม่เจ้าโฮมเข้าใส่ลาน กองกันขึ้นเต็มลอมล้นอั่ง มื้อนี้แม่นมื้อสันวันนี้แม่นวันดี ค้อนขอคีเขาสิชิดสิฟาด แม่แหล่ว เขาบ่อได้ประมาท สิพาแม่เมือเฮือน มื้อนี้ค้อนสั้นเขาสิตีแม่แหล่ว มื้อนี้ฆ้อนฮีเขาสิฟาดแม่แหล่ว แม่ข้าวแก้วอย่าได้ตื่นตกใจ เขาสิพาแม่ไปอยู่เยียปูแป้น แอ้มแน่นมุงดี อมสิทธิปัญจะเอกา พีชะพีชัง หะทะยัง มะมะ สะวาโหม ฯ


การปลงข้าวก่อนตีข้าว ท่านให้จัดเครื่องสังเวยดังนี้ ห่อข้าวต้มเป้นรูปเขาวัวเขาควาย อย่างละ ๒ อันมัดติดกัน น้ำเต้าใส่น้ำให้เต็ม ๑ อัน ใช้ขวดแทนก็ได้ ไข่ต้มสุก ๑ ฟอง เผือกมันต้มสุกตามสมควร ดอกไม้ ๑ คู่ เทียน ๑ คู่ ใส่ในก่องข้าว หรือตะกร้าก็ได้ ห่อด้วยฟางเพื่อป้องกันอีกามาเจาะกิน ไม่ห่อก็ได้ นำไปไว้ที่ลอมข้าว ทำพิธีนี้เสร็จก่อนค่อยนวดข้าว เป็นมงคล กินไม่บกจกไม่ลง แล ฯ